हङकङ । हङकङमा बुधबार राति अपार्टमेन्ट ब्लक्समा भएको आगलागीमा परेर ४४ जनाको मृत्यु भएको छ । अधिकारीहरूले पत्रकार सम्मेलनमा यो जानकारी दिएका हुन् । ४० जनाको घटनास्थलमा र चार जनाको अस्पतालमा मृत्यु भएको बताइएको छ ।
अन्य ४५ जनाको अवस्था निकै गम्भीर रहेको छ । अझै पनि २७९ जना बेपत्ता छन् । अग्नि नियन्त्रकहरूले आठमध्ये चार वटा भवनको आगो निभाउन सकेका छन् । आगलागी पूरै नियन्त्रण गर्न पूरै दिन लाग्ने बताइएको छ ।
अपार्टमेन्ट ब्लक्समा आगलागीपछि निर्माण कम्पनीका कार्यकारीहरूलाई पक्राउ गरिएको छ । कम्पनीका दुई निर्देशक र परामर्शदातालाई प्रहरीले घोर लापरबाहीको आरोपमा समातेको हो ।
आगलागी सुरु हुँदा अपार्टमेन्ट ब्लक्समा व्यापक मर्मत सम्भारको काम चलिरहेको थियो । आगलागी भएको भवनहरू नजिकैका १३ वटा विद्यालय बिहीबार बन्द गरिएको छ ।
प्रतिक्रिया दिनुहोस
सफल खबर संवाददाता
विहीबार, ११ मंसिर २०८२, ०८ : २४
लेखकबाट थप
सम्बन्धित समाचारहरु
विराटनगरमा ‘भीषण’ आगलागी, नियन्त्रणको प्रयास जारी
आगलागीका घटनामा वृद्धि, एकै दिन नौ स्थानमा आगलागी
रौतहटमा गुडिरहेको यात्रुवाहक बसमा आगलागी
भारतको राजस्थानमा गुडिरहको बसमा आगलागी हुँदा २० जनाको मृत्यु
जुत्ता-चप्पल गोदाममा आगलागी, ७० लाखको क्षति
टिपरमा एकाएक आगलागी