लालबन्दीबाट ३८ केजी गाँजासहित एक जना पक्राउ

काठमाडौँ । सर्लाहीको लालबन्दीबाट ३८ केजी गाँजासहित एक जना पक्राउ परेका छन् ।

चुरेवर्ती क्षेत्रबाट लागुऔषध गाँजा ल्याइँदै गरेको सुराकी पाएपछि इलाका प्रहरी कार्यालयबाट खटिएको प्रहरी टोलीले आज बिहान लालबन्दी नगरपालिका–६, स्थित शिव मन्दिरबाट ३८ किलो ८९० ग्राम गाँजा बरामद गरेको हो ।

उक्त गाँजा ओसारपसारमा संलग्न रहेको हरिवन नगरपालिका–१, पटौनाका ५५ वर्षीय बद्रीबहादुर श्रेष्ठलाई पक्राउ गरिएको हो ।

प्रदेश–२–०३००१ ह ३२८ नम्वरको अटो र ना ६० प ५५६ नम्बरको मोटरसाइकलबाट गाँजा बरामद भएको प्रहरीले जनाएको छ । प्रहरीका अनुसार अटोबाट एक पोका र मोटरसाइकलबाट छ पोका गाँजा बरामद भएको छ ।

मोटरसाइकलमा रहेका मानिस भने फरार भएका र उनीहरुको खोजी भइरहेको प्रहरीले जनाएको छ ।