माओवादी मधेश प्रदेश संसदीय दलको नेतामा पुनः भरत साह नियुक्त

काठमाडौँ। नेकपा माओवादी केन्द्र मधेश प्रदेश संसदीय दलको नेतामा पुनः भरतप्रसाद साह नियुक्त भएका छन् ।

पार्टीका केन्द्रीय अध्यक्ष पुष्पकमल दाहाल ‘प्रचण्ड’ले साहलाई दलको नेतामा नियुक्त गरेको पत्र मधेश प्रदेशका सभामुखलाई लेखेका छन् ।

‘उपरोक्त सन्दर्भमा नेपाल कम्युनिष्ट पार्टी (माओवादी केन्द्र) मधेश प्रदेश संसदीय दलको नेतामा माननीय भरतप्रसाद शाहलाई पुनर्स्थापित गर्ने निर्णय भएकाले उहाँलाई दल नेता कायम गरी दलको तर्फबाट प्रतिनिधित्व गराउनु हुन अनुरोध छ,’ पत्रमा उल्लेख छ ।

शाहमाथि नैतिक प्रश्न उठेपछि गत जेठको दोस्रो साता उनले दलको नेताबाट राजीनामा दिएका थिए । त्यसपछि ‘प्रचण्ड’ले दलका नेताको जिम्मेवारी उपनेता युवराज भट्टराईलाई दिएका थिए ।