नेप्से ३१ अंकले बढ्यो, ९ अर्बको कारोबार

काठमाडौं । आइतबार सेयर बजार परिसूचक नेप्से ३१ अंक बढेको छ । गत साताको अन्तिम दिन बिहीबार ३४ अंक बढेको नेप्से सूचक आइतबार पनि बढेको हो ।

वित्तीय प्रणालीको घट्दो ब्याजदर सँगै अधिक तरलताले धितोपत्र बजारमा लगानी बढेको देखिन्छ । फागुनमा तोकिएको निर्वाचन हुने नहुने द्विविधाका कारण लगानी बढाउन नसकेका लगानीकर्ताले प्रधनमन्त्रीले चुनावका लागि राजनीतिक परामर्श बढाएसँगै सकारात्मक देखिएका छन् ।

ब्याजदर न्यून भएको अवस्थामा समेत कर्जाको माग बढ्न नसकेको अवस्था छ । वित्तीय प्रणालीको पछिल्लो अवस्थालाई सेयर लगानीकर्ता धितोपत्र बजारमा लगानी बढाउन अवसरको रुपमा प्रयोग गर्न थालेपछि त्यसको सकारात्मक असर नेप्सेमा देखिएको हो ।