नेतृत्वबाट ‘प्रचण्ड’ र माधवको बिदाइ गरे माओवादीसँग एकता गर्न सकिन्छ: घनश्याम भुसाल

काठमाडौँ । नेकपा एकीकृत समाजवादीका महासचिव घनश्याम भुसालले माओवादीसँग एकता गर्न नयाँ सर्त अघि सारेका छन् ।

जारी केन्द्रीय समिति बैठकमा बोल्दै माओवादीका संयोजक पुष्पकमल दाहाल ‘प्रचण्ड’ र पार्टी अध्यक्ष माधव नेपाल नेतृत्वबाट बिदा हुने सर्तमा माओवादीसँग एकता गर्न सकिने बताएका हुन् ।

बैठकमा महासचिव भुसालले भने, ‘तपाईँहरूले ‘प्रचण्ड’ र माधव नेपाल)ले अब नेतृत्व छाड्ने भए एकताको वातावरण बनाउन सकिन्छ । मैले प्रचण्डलाई पनि त्यही भनेको छु, अन्यथा झन्डा र नाम मिल्यो भन्दैमा एकता गर्दा धोका हुन्छ । हिजो पनि एकताबाट धोका सुरु भएको हो ।’

उनले हिजो एमाले र माओवादी मिलेपछि नै ओली राजनीतिक रूपमा बलियो भएको उनको भनाइ छ । माओवादीसँग एकता गर्ने विषयमा नेकपा एसमा चर्को मतभेद छ । अहिले पदाधिकारीहरूले आ(आफ्नो धारणा राख्ने क्रम जारी छ ।