इंग्लिस प्रिमियर लिग : आज तीन खेल हुँदै

एजेन्सी । इंग्लिस क्लब म्यानचेस्टर युनाइटेडले आज इंग्लिस प्रिमियर लिगमा ब्राइटनविरुद्ध खेल्दै छ । म्यानचेस्टरको यो ब्राइटनविरुद्धको पहिलो खेल हो । म्यानचेस्टरले दोस्रो खेल सन् २०२६ को मे मा खेल्नेछ । 

खेल म्यानचेस्टरको घरेलु मैदान ओल्ड ट्राफोर्डमा नेपाली समय अनुसार राति १०ः१५ बजे हुनेछ । म्यानचेस्टरले तालिकामा १३ अंक बनाएको छ । तालिकाको नवौं स्थानमा रहेको म्यानचेस्टरले आठ खेल खेल्दा चार जित, एक बराबरी र तीन हार व्यहोरेको छ । 

म्यानचेस्टरसँगै एक अंक कम बनाएको ब्राइटन तालिकाको १०औँ स्थानमा छ । ब्राइटनले आठ खेल खेल्दा समान तीन जित र बराबरीसहित दुई हार व्यहोरेको छ । 

योसँगै आज प्रिमियर लिगका अरु दुई खेल पनि हुँदै छन् । लिगअन्तर्गत न्यूक्यासलले अर्काे इंग्लिस क्लब फुलहमविरुद्ध खेल्दै छ । खेल न्यूक्यासलको घरेलु मैदान सेन्ट जेम्सपार्कमा नेपाली समयअनुसार साँझ ७ः४५ बजे हुनेछ ।

चेल्सीले पनि सन्डरल्यान्डलाई आतिथ्यता दिँदैछ । चेल्सीको यो सन्डरल्यान्डविरुद्धको घरेलु खेल लन्डनको स्टामफोर्ड ब्रिज रंगशालामा नेपाली समयअनुसार ७ः४५ बजे हुनेछ ।