अखिल क्रान्तिकारी चितवनले गर्यो जेन जि आन्दोलनमाथि भएको दमनको निष्पक्ष छानबिन र न्यायको माग

चितवन ।अखिल (क्रान्तिकारी) चितवन जिल्ला समितिको पहिलो जिल्ला पदाधिकारी बैठक क शुशिल कार्कि अब्दुलको अध्यक्ष तामा प्रमुख अतिथि क इस्वर सापकोटाको प्रमुख आथित्यतामा एनपीआई ओरालोमा सम्पन्न भएको छ।

बैठकले हालै २३ गते राज्य संयन्त्रबाट जेन जि आन्दोलनमाथि भएको निर्मम दमनप्रति गहिरो चिन्ता व्यक्त गर्दै त्यस घटनाको निष्पक्ष छानबिन र दोषीहरूमाथि कानूनी कारबाहीको माग गरेको छ।

बैठकले आन्दोलनका क्रममा सहिद भएका र घाइते युवाहरूलाई राज्यले सम्मानसहित न्यायको प्रत्याभूति गर्नुपर्ने माग पनि अघि सारेको छ। साथै, २४ गते भएको घुसपैठ र षड्यन्त्रपूर्ण गतिविधिहरूको सत्यतथ्य छानबिन गर्न सरकारसँग जोडदार आग्रह गरिएको छ।

जेन जि पुस्ताका जायज मागहरूको सम्बोधनका लागि अखिल (क्रान्तिकारी) चितवनले जिल्ला व्यापी हस्ताक्षर अभियान सुरु गर्ने र प्रमुख जिल्ला अधिकारी (सिडिओ) कार्यालयमा ज्ञापनपत्र बुझाउने तयारी गरेको बैठकले जानकारी दिएको छ।

अखिल (क्रान्तिकारी) चितवनका पदाधिकारीहरूले भनेका छन् —

“जेन जि पुस्ताको आवाज देशको भविष्य हो। त्यस आवाजलाई थिच्ने जो कोही पनि लोकतान्त्रिक मूल्यका विरोधी हुन्।”

बैठकले आन्दोलनलाई संगठित, अनुशासित र विचारवान् रूपमा अघि बढाउने प्रतिबद्धता पनि व्यक्त गरेको छ।