माओवादी सचिवालय बैठक आज

काठमाडौं । नेकपा (माओवादी केन्द्र)को महाधिवेशन आयोजक समितिको सचिवालय बैठक आज बस्दैछ । दिउँसो १ बजे पार्टी केन्द्रीय कार्यालय पेरिसडाँडामा बैठक बस्ने सचिवालय सदस्य हरिबोल गजुरेलले जानकारी दिए ।

जेन जी पुस्ताको आन्दोलनपछि विकसित घटनाक्रमपछि नेकपा (माओवादी केन्द्र)ले पार्टीको विशेष महाधिवेशन गर्ने गरी केन्द्रीय समिति देखि सबै तहका कमिटि भंग गर्नै निर्णय गरेको थियो । असोज ९ र १० गते काठमाडौंमा सम्पन्न बैठकले पार्टीका सबै कमिटि भंग गदै विशेष महाधिवेशन मंसिर अन्मि साता गर्ने निर्णय गरेपनि मिति भने तोकेको थिएन । पार्टीको पदाधिकारीलाई महाधिवेशन आयोजक समितिको सचिवालयमा रुपान्तरण गदै सचिवालयमार्फत मिति तोकिने गरी केन्द्रीय समिति बैठक सम्पन्न भएको थियो ।

आज बस्ने सचिवालयले महाधिवेशनको मिति, महाधिवेशन प्रतिनिधिको छनौट लगायतका विषयमा छलफल गरेर एउटा टुंगो लगाउने सम्भाबना रहेको र त्यही अनुसारको एजेण्डामा छलफल गर्न बैठक बोलाइएको गजुरेलले सफलखबरसँग भने ।

त्यस्तै, सचिवालय बैठकमा पछिल्लो राजनीतिक अवस्था, प्राकृतिक विपत्तिले निम्ताएको समस्या तथा पार्टीका महाधिवेशन आयोजक समितिका संयोजक पुष्पकमल दाहाल ’प्रचण्ड’ले पार्टी कार्यालयमा हेप्प डेस्क स्थापना र उद्दार, राहतमा लाग्न दिएको निर्देशनको कार्यान्वयन लगायतका विषयमा पनि छलफल हुनेछ । माओवादीले पार्टीका सम्पूर्ण पंक्तिलाई उद्दार तथा राहतका लागि समेत परिचालन गरिरहेको छ । जसअनुसार युवा संगठन वाइसिएसलले १० हजार सदस्यलाइृ देशभर उद्दार तथा राहतको काममा परिचालन गरिरहेको छ ।

आजको बैठकमा विभिन्न बामपन्थी पार्टीहरुसँग हुने भनिएको पार्टी एकतालगायतका विषयमा पनि छलफल हुने गजुरेलले जानकारी दिए ।