घट्यो नेप्से, ३ अर्ब २६ करोडको मात्रै कारोबार

काठमाडौं । नेपाल स्टक एक्सचेन्ज (नेप्से)मा सुस्ताएको छ । कर्मचारीहरूकाे आन्दोलनका कारण शेयर बजार सुस्ताएको हो ।

बिहीबार नेप्से परिसूचक २.३५ अंकले घटेर २ हजार ६ सय ५२ विन्दुमा बन्द भएको हो । कारोबार रकममा पनि उल्लेख्य गिरावट आएको छ । आज ३ अर्ब २६ करोड ४ लाख ४० हजार रुपैयाँ बराबरको कारोबार भएको छ ।

आजको कारोबारमा १०७ कम्पनीको शेयरमूल्य बढ्दा १३९ वटाको घटेको छ । घटेको बजारमा एक कम्पनीका लगानीकर्ताले सर्वाधिक कमाएका छन् । जसमा हिमस्टार ऊर्जा कम्पनी लिमिटेड रहेको छ । यस कम्पनीको शेयर मूल्यमा आज सकारात्मक सर्किट लागेको छ ।

सिटी होटल लिमिटेड लगानीकर्ताहरूले सर्वाधिक गुमाए । यस कम्पनीको शेयरमूल्य ७.५५ प्रतिशतले घटेको छ । नेपाल रि–इन्स्योरेन्स कम्पनीको सर्वाधिक कारोबार भएको छ । यस कम्पनीको आज ३० करोड ९० लाख बराबरको कारोबार भएको नेप्सेले जनाएको छ ।