माओवादीले भन्यो : ‘जीएसआईबारे विरोधाभाष कुरा आएको छ, आधिकारिक बुझ्दै छौँ’

काठमाडौँ । नेकपा माओवादी केन्द्रले प्रधानमन्त्री केपी ओलीको चीन भ्रमणको विषयमा नेपालले चीनले अघि सारेको ग्लोबल सेक्युरिटी इनिसिएटिभ (जीएसआई) लाई समर्थन गरेको भन्नेबारे विरोधाभाष कुरा आएको जनाएको छ।

यसबारेमा विभिन्न कोणबाट टीकाटिप्पणी भइरहेको बेलामा नेकपा माओवादी केन्द्रका प्रवक्ता अग्नि सापकोटाले नेपालले जीएसआईलाई समर्थन गरेको भन्नेबारे आधिकारिक बुझेपछि मात्रै बोल्ने बताए।

उनले भने, ‘दुईथरी कुरा विरोधाभाष कुरा आएको छ, चिनियाँ पक्षले विज्ञप्ति नै निकालेको समर्थन जनाएको हो भनेका छन्। यताबाट एकतर्फी भनेका छन्, त्यसलाई भेरिफाइ गरेर मात्रै बोल्छौँ ।’