प्रधानमन्त्रीलाई जसपाको तीन दिने अल्टिमेटम, मन्त्री नफेरे आफै फिर्ता बोलाउने चेतावनी

काठमाडौं । केपी ओली नेतृत्वको सरकारमा आफनो पार्टीबाट सरकारमा सहभागी भएका मन्त्री फेर्ने औपचारिक प्रस्ताव अशोक राई नेतृत्वको जनता समाजवादी पार्टी र महन्थ ठाकुर नेतृत्वको लोकतानित्रक समाजवादी पार्टी लोसपाले प्रधानमन्त्रीसाग गरेका छन् ।

गठबन्धन सरकारमा सहभागी मन्त्रीहरु फेर्ने कुरा सम्वन्धित दलको निर्णयमा भर पर्छ । त्यस आधारमा उक्त दललले गरेको निर्णयका आधारमा प्रधानमन्त्रीले मन्त्री फेरिदिने गर्छन् ।

प्रधानमन्त्री ओली त अझ कांग्रेस र एमालेबाट मन्त्री बनेकाहरु पनि फेर्न चाहान्छन् । तर कांग्रेस सभापति शेरवहादुर देउवाले अहिलेसम्म ग्रिन सिग्नल नदिँदा कांग्रेस र एमालेका मन्त्री फेरिने विषय चर्चा हुने तर नफरिने अवस्था सिर्जना भईरहेको छ । यही बेला सरकारमा सहभागी भएको जसपा र लोसपाले भने आफना मन्त्रीहरु फेरिदिन प्रधानमन्त्री ओलीलाई औपचारिक पत्र नै बुझाएका छन् ।

जसपाबाट अहिले प्रदीप यादव खानेपानीमन्त्री र नवलकिशोर सुडी महिला, बालबालिका तथा ज्येष्ठ नागरिकमन्त्री छन् । यादवको ठाउँमा वीरेन्द्र महतो र सुडीको ठाउँमा रञ्जुकुमारी झालाई मन्त्री बनाउन जसपाले प्रधानमन्त्रीलाई पत्र बुझाइएको छ । मन्त्री यादवले जसपाको उक्त निर्णयमा आपत्ति जनाउँदै पदबाट नहट्ने बताएपछि जसपाले केन्द्रीय कार्यकारिणी समितिको बैठकबाटै निर्णय गरेर प्रधानमन्त्री ओलीलाई मन्त्री बदल्न अल्टिमेटम दिएको हो ।

जसपाले शनिबार पार्टीको कार्यकारिणी समितिको बैठक बोलाएको थियो । त्यसपछि प्रधानमन्त्रीलाई भदौं ११ गतेभित्र मन्त्री फेरिदिन आग्रहसहितको पत्र बुझाएको हो । यो एकप्रकारको अल्टिमेटम पनि हो, जसपा सांसद वीरेन्द्र महतोले भने ।

कांग्रेससँगको समीकरण बन्नुअघि एमाले–माओवादी गठबन्धनको तीन महिनाको कार्यकालसमेत जोडेर एक वर्षका लागि मन्त्री बन्ने भनिएको जसपा सांसद महतोले बताए । ‘त्यसअनुसार मन्त्रीका लागि पार्टीले नाम पनि दियो । तर, हालसम्म परिवर्तन नभएपछि पार्टीले अल्टिमेटम दिनुपरेको हो,’ उनी भन्छन्, ‘११ भदौसम्म हाम्रा मन्त्री परिवर्तन नभए सरकारलाई विश्वासको मत कायम राख्दै त्यसै दिन राजीनामा दिने निर्णय पार्टीले गरेको छ ।’

अशोक राईले विगतमा पार्टीबाट सरकारमा पठाउने बेला भएको सहमतिका आधारमा अव अर्काे नेतालाई पालो दिनुपर्ने प्रस्ताव पार्टी बैठकमा राखेका थिए । तर खानेपानीमन्त्री प्रदीप यादवले राईको प्रस्ताव ठाडै अश्वीकार गरि।दिएका छन् ।

किन फेरिने, अरु दलबाट फेर्न नपर्ने, हाम्रोमा भने फेर्नु किन पर्ने, म यो निर्णय मान्दिन,  यादवले बैठकमा भनेका थिए , प्रधानमन्त्रीले कांग्रेस सभापति शेरवहादुर देउवालाई हस्तान्तरण गर्दा पार्टीबाट नयाँ साथीहरुलाई मन्त्री बनाउादा हुने र वर्ष वर्ष दिनमा मन्त्री फेर्दा राम्रो सन्देश पनि नजाने भएकोले मछोडदिन पनि, यादवले जसपाको बैठकमा भनेका थिए ।

त्यसपछि मन्त्रीबाट बाहिरिनुपर्ने नेता र मन्त्रीमा भित्रिनुपर्ने नेताहरुका बीचमा केही वेर नोकझोक नै चलेको थियो । अशोक राईसाग पनि मन्त्री यादवको राम्रैसँग नोकझोक चलेको बैठकमा सहभागी एक नेताले भने ।

उपेन्द्र यादवलाई छोडेर आफुले अशोक राईलाई सघाएको र पार्टी निर्माण पनि आफनो पहलकमदमीमा भएकोले अहिले यसरी सरकारबाट फाल्ने कुरा आफनो लागि चित्तबुझदो निर्णय नभएको यादवको भनाई थियो ।

उता लोसपामा पनि मन्त्री फेर्ने बारेमा उस्तै रडाँको छ । सदाबहार मन्त्री रहेका शरदसिंह भण्डारीको स्थानमा लोसपाले सर्वेन्द्रनाथ शुक्ललाई पठाउने निर्णय लोसपाले पनि गरेको छ । सोही आधारमा निर्णय लिन लोसपाले पनि प्रधानमन्त्रीलाई आग्रह् गरेको गरयै छ । तर प्रधानमन्त्रीले लोसपा र जसपाको निर्णयका आधारमा मन्त्री फेरि हाल्ने जमर्काे गरेका छैनन ।

लोसपाले त अझ मन्त्री फेर्न नाम प्रधानमन्त्रीलाई दिएकै लामो समय भईसकेको छ ।

नाम बुझाएको एक महिना बितिसक्दासमेत प्रधानमन्त्रीले मन्त्री नफेर्दा लोसपा अध्यक्ष महन्थ ठाकुरले केही दिनअघि प्रधानमन्त्री ओलीलाई भेटेरै दबाब दिएका थिए । एक वर्षअघि पार्टीबाट कसलाई मन्त्री पठाउने भन्ने निर्णय शुक्लकै निवासमा भएको थियो । ‘मेरै निवासमा भएको बैठकमा महन्थजीले एक वर्षका लागि भण्डारीजी जाने र त्यसपछि मलाई पठाउने भद्र समझदारी भएको हो,’ शुक्लले भने, ‘पार्टीभित्र झगडा भएर होइन, प्रधानमन्त्रीले ढिलाइ गरेर रोकिएको हो ।’

प्रधानमन्त्रीले भने आफनो पार्टीबाट उपप्रधान तथा अर्थमन्त्री विष्णु पौडेल र सञ्चारमन्त्री पृथ्वीसुब्बा गुरुड बाहेकका मन्त्री फेर्ने र कांग्रेसबाट पनि मन्त्री फेरेर नयाँ पात्र पठाउन कांग्रेस सभापति शेरवहादुर देउवालाई आग्रह गदै आएका थिए । ओली कांग्रेसबाट उपप्रधान तथा सहरी विकास मन्त्री भएका प्रकाशमान सिंह सहितका मन्त्री फेर्न चाहान्छन् । गृहमन्त्री रमेश लेखक र परराष्टमन्त्री डा आरजु राणा देउवालाई छोडेर कांग्रेसले पनि नयाँ अनुहार दिओस भन्ने प्रधानमन्त्रीको चाहाना थियो । तर त्यसरी आफनै श्रीमती आरजु र निकट नेता लेखकलाई मात्र राखेर अन्य मन्त्री फेर्दा कांगथ्रेसभित्र असन्तुष्टि चुलिने र त्यसले आफु अप्ठ्यारोमा पर्ने देखेपछि देउवा अहिले कसैलाई पनि चलाउने पक्षमा छ्रैनन । तर लोसपा र जसपाले मन्त्रीका नामै दिएर आफुमाथी दवाव वढाईरहादा यही मेसोमा कांग्रेस एमालेका पनि मन्त्री फेर्ने प्रधानमन्त्रीको चाहना सफल भईरहेको छैन ।

यधपी उनले लोसपा र जसपाको अल्टिमेटमका आधारमा तीन मन्त्री भने अव केही दिनमै फेरिदिने भित्री तयारी गरिसकेको प्रधानमन्त्रीको सचिवालय स्रोतले बताएको छ ।