दलहरू मुलुकको आर्थिक तथा सामाजिक सुधारका लागि गम्भीर हुनुपर्छ : नेता खनाल

काठमाडौँ । नेपाल कम्युनिष्ट पार्टी (एकीकृत समाजवादी) का सम्मानित नेता एवं पूर्व प्रधानमन्त्री झलनाथ खनालले मुलुकमा आर्थिक तथा सामाजिक सुधारका लागि दलहरू गम्भीर हुनुपर्ने बताएका छन् ।

ग्लोबल स्टारद्वारा आज आयोजित कलाकार सम्मान कार्यक्रममा उनले देशमा रहेका कृषि, खनिज, जलस्रोतलगायत स्रोतको उपयोग गरी आर्थिक समृद्धि हासिल गर्न दलहरूसँग योजना हुनुपर्ने बताए । पूर्व प्रधानमन्त्री खनालले नेपाललाई धनी र समृद्ध बनाउन उद्यमशीलताको विकास र  युवा सशक्तीकरणको खाँचो औँल्याए। 

उनले नेपाली कला विदेशमा पनि उत्तिकै प्रसिद्ध र लोकप्रिय रहेको बताउँदै बताउँदै विविधतायुक्त मुलुकमा सबै जाति तथा समुदायका भाषा, साहित्य कला र संस्कृतिको संरक्षण गर्नुपर्ने उल्लेख गरे।