संवैधानिक नियुक्ति सदर पछि शंकर पोखरेलको प्रतिक्रिया- अब काममा तीव्रताको अपेक्षा गरौं

काठमाडौ । नेकपा (एमाले)का महासचिव शंकर पोखरेलले संवैधानिक नियुक्तिविरुद्ध परेको रिटको निर्णयसँगै अन्योल अन्त्य भएको प्रतिक्रिया दिएका छन् ।

बिहीबार बिहान सामाजिक सञ्जालमार्फत् संक्षिप्त प्रतिक्रिया दिँदै उनले अब ती निकायले काममा तीव्रता दिनुपर्ने धारणा राखेका छन् । 

'संवैधानिक आयोगमा भएको नियुक्तिउपर परेको मुद्दाका कारणले उत्पन्न अन्योल अन्त्य भएको छ। अब ती निकायको काममा तीव्रताको अपेक्षा गरौं,' फेसबुकमा उनले लेखेका छन् । 

सर्वोच्च अदालतले साढे चार वर्षदेखि ५२ संवैधानिक पदाधिकारीको नियुक्तिसम्बन्धी विवादलाई बुधबार मध्यरातमा टुंग्याएको थियो । केपी शर्मा ओली नेतृत्वको तत्कालीन सरकारले ल्याएको अध्यादेशका आधारमा १० असार २०७८ मा भएको २० पदाधिकारी नियुक्ति सर्वोच्चले गरेको हो ।