संसदीय अभ्यासमा सुधारको आवश्यकता छ : उपसभामुख राना

काठमाडौं । उपसभामुख इन्दिरा राना मगरले संसदको प्रभावकारिता, पारदर्शिता, जवाफदेहिता र जनउत्तरदायीपनालाई सुनिश्चित गर्न संसदीय अभ्यासमा सुधारको आवश्यकता झनै महत्वपूर्ण बन्दै गएको बताएकी छिन् ।

संसद दिवसका् अवसरमा आइतबार शुभकामना व्यक्त गर्दै उनले संसद प्रभावकारी र जनउत्तरदायी भयो कि भएन भन्ने विषय बहसमा रहेको हुँदा कसरी जनउत्तरदायी बनाउँदै लैजाने भन्ने चिन्तन सबैमा हुनुपर्ने बताइन् ।

उनले संसद कमजोर हुँदा जनताका आवाजहरु दबिने उल्लेख गर्दै उनले संसदीय सर्वोच्चताका लागि सबै लाग्न जरुरी रहेको उल्लेख गरिन् ।

उपसभामुख रानाले दिवसको अवसरमा लोकतान्त्रिक व्यवस्था स्थापनाका लागि भएका सबैखाले सङ्घर्षमा आफ्नो जीवन उत्सर्ग गर्ने सम्पूर्ण शहीदप्रति भावपूर्ण श्रद्धाञ्जली अर्पण गर्दै आन्दोलनमा होमिएका सबै जनताको अपेक्षा सबैले निती र व्यवहारबाट पूरा गर्न अग्रसर हुन आह्वान पनि गरेकी छिन् ।