प्रधानमन्त्री र गृहमन्त्रीलाई थाहै नदिई प्रहरीले मात्र समाउन सक्ला रेशम चौधरी ?

काठमाडौं । रेशम चौधरी पक्राउ र रिहाले बुधबार दिनभर राष्ट्रिय राजनीति तरंगित भयो । पूर्वी तराईमा सशक्त बनेको जनमत र पश्चिम तराईमा प्रभावशाली रहेको नागरिक उन्मुक्ति पार्टी एकीकरण घोषणा गर्ने दिन कार्यक्रमस्थल पुगेका चौधरी पक्राउमा राज्यको अनुमति रहेको बुझन सकिन्छ ।

एउटा कर्मचारीले अधिकार दुरुपयोग गरी किर्ते पत्र बनाई चौधरी पक्राउ परेपनि उनलाई पक्राउ गर्दा गृहमन्त्री र प्रधानमन्त्रीसम्मको अनुमति नलिई पक्राउ गर्नसक्ने प्रहरीमा आँट छैन । एक प्रहरी स्रोतका अनुसार, राजनीतिमा जोडिएका र सत्तामा रहेका पार्टीका सामान्य कार्यकर्ता पक्राउ गर्नुपर्दा त गृहमन्त्री⁄प्रधानमन्त्रीसम्मको पूर्व स्वीकृत खोज्ने नेपाल प्रहरीले चौधरीलाई पत्रका आधारमा मात्र पक्राउ गरेको थिएन ।

चौध्रीलाई पक्राउको अनाधिकृत पत्र सर्वाेच्च बाट आएपनि पक्राउ गर्नु अगाडी गृहमन्त्री रमेश लेखक र प्रधानमन्त्री केपी ओलीसँग वा यी दुईमध्ये एकको अनुमति बिना पक्राउ गर्ने आाट प्रहरीमा हुँदैन । प्रहरीले माथिल्लो निकायको अनुमति लिएरै चौधरी पक्राउ गरेको प्रहरी स्रोतको भनाई छ ।

वरिष्ठ अधिवक्ता शम्भु थापा देखि मानवअधिकारवादी नेता कृष्ण पहाडीसम्म पनि चौधरी पक्राउ गर्दा प्रहरीले माथिल्लो निकायसँग परामर्श गरेरै आँट गरेको हो । अन्यथा त्यसरी प्रहरीले सत्ताधारी दलका नेता चौधरीलाई पक्राउ को आँट गर्ने थिएन ।

चौधरीको पार्टी र एकता प्रक्रियामा रहेको जनमत दुवै पार्टी केपी ओली नेतृत्वको सरकारलाई समर्थन गरेको पार्टी हो ।

मधेस प्रदेशमा जनमत पार्टीको नेतृत्वमा कांग्रेस एमालेसमेत सरकारमा छन् । केन्द्रमा केपी ओली नेतृत्वको सरकारमा एक जना राज्यमन्त्री यही पार्टीबाट छ ।

यी दुई पार्टी एकतापछि संघीय संसदको प्रतिनिधिसभामा छैटौं ठूलो दल बन्न लागेको थियो । मधेसमा निर्णायक बन्ने अवस्थामा थियो । सत्ताधारी दललाई यी दुई पार्टी मधेस सरकार निर्माणका लागि आवश्यक रहेपनि एकीकरण गर्न लागेको चित्त बुझेको छैन । जसकाकारण पनि पार्टी एकता घोषणा हुन लागेको कार्यक्रमस्थलबाट रेशम चौधरीलाई पक्राउ गरिएको देखिएको छ ।

प्रधानमन्त्री र गृहमन्त्रीसम्मको कुनै न कुनै संकेत पछि मात्र प्रहरीले चौधरी पक्राउ गरेको कुरा लुकाउन सकिन्न । रशेम चौधरी दुई पार्टी एकतापछि पार्टीको संरक्षक र वरियताक्रममा पहिलो नेता बन्दै थिए । सिके राउत कार्यकारी अध्यक्ष र रशेम चौधरी पत्नी रञ्जिता श्रेष्ठ पार्टीको सहअध्यक्ष बन्दैथिइन् ।

यस्तो बेला चौधरीलाई पक्राउ गर्दा प्रहरीले माथिल्लो निकायको आदेश नलिई पक्राउ नगरेको प्रहरी स्रोतको भनाई छ । सरकारले भने अहिले आफुहरुलाई थाहा नदिई सर्वाेच्चका एक कर्मचारीले अनाधिकृत पत्र तयार पारेर प्रहरीकहाँ पठाएको र प्रहरीले त्यही पत्रका आधारमा पक्राउ गरेको जवाफ दिन थालेको छ ।

तर त्यक्ति जवाफले मात्र नपुग्ने एकीकरणमा लागेका जनमत र नागरिक उन्मुक्ति दुवै पार्टीका नेताहरुले बताएका छन् ।