कमल थापाले बोलाए केन्द्रीय कार्यसम्पादन समितिको बैठक

काठमाडौँ । कमल थापा नेतृत्वको राप्रपा नेपालले केन्द्रीय कार्यसम्पादन समितिको बैठक बोलाइको छ ।  अध्यक्ष  थापाले मंगलबार दिउँसो १ः३० बजे पार्टी केन्द्रीय कार्यालय सिफलमा बैठक बोलाएको महामन्त्री राजाराम बर्तौलाले जानकारी दिए ।

उनका अनुसार बैठकमा सोमबार घोषणा भएको  ‘राजतन्त्र पुनर्स्थापनाका लागि संयुक्त जनआन्दोलन समिति’ बारे छलफल हुनेछ । उक्त समितिको निर्देशक समितिमा कमल थापालाई पनि राखिएको छ । तर, सो समितिमा आफू रहेको बारे जानकारी नभएको थापाले बताएका छन् । सो समितिलाई स्वीकार गर्ने या नगर्ने भन्नेबारे आजको बैठकले टुंगो लगाउने बर्तौलाले बताए । 

यसबाहेक बैठकमा  आन्दोलनको स्वरुप र भावी रणनीति निर्माणको विषयमा पनि छलफल हुनेछ । आजै अर्को राजावादी पार्टी राप्रपाको पनि कार्यसम्पादन समिति बैठक छ । सो पार्टीका अध्यक्ष लिङ्देनले पनि आफूसँग छलफल बिनै आन्दोलन समिति बनाइएको भनेर असन्तुष्टि पोखेका छन् ।