हमासले थप तीन बन्धकलाई रिहा गर्ने, नाम सार्वजनिक

एजेन्सी । इजरायलसँगको युद्धविराम सम्झौता अन्तर्गत हमासले शनिबार थप तीन बन्धकहरूलाई रिहा गर्न लागेको छ। बदलामा, इजरायलले पनि प्यालेस्टिनी कैदीहरूलाई रिहा गर्ने बीबीसीले जनाएको छ । 

हमासले तीनै जनाको नाम सार्वजनिक गरेको छ र तीनै जना पुरुष हुन्। उनीहरूको नाम ओहद बेन अमी, एली शाराबी र ओर लेवी भएको समाचारमा उल्लेख छ । 

जनवरी १९ मा युद्धविराम सुरु भएदेखि हमासले १८ जना बन्धकहरूलाई रिहा गरिसकेको छ। बदलामा, इजरायलले पनि हालसम्म ३८३ कैदीहरूलाई रिहा गरिसकेको छ।

हमासले इजरायलले शनिबार अन्य १८३ कैदीहरूलाई रिहा गर्ने बताएको छ। युद्धविराम सम्झौताको पहिलो चरण अन्तर्गत, ३३ बन्धक र १९०० कैदीहरूलाई रिहा गरिने छ। इजरायलले ३३ बन्धकमध्ये आठ जनाको मृत्यु भएको बताएको छ।