माघ ११ सम्म थपियो त्रिविमा स्नातक तहको भर्ना समय

काठमाडौँ । त्रिभुवन विश्वविद्यालयले स्नातक तहको भर्ना समय ११ माघसम्मलाई दिएको छ । भर्नाको समय सकिए पनि कतिपय विद्यार्थी भर्ना नभएको तर कक्षामा आउने गरेकाले भर्नाको समय थप गरिएको हो ।

समय थप गर्ने विषयमा रेक्टर कार्यालयले डीनहरूसँग छलफल गरेको थियो ।

शैक्षिक क्यालेन्डर प्रभावित नहुने गरी भर्नाको समय थप गर्न सुझाव आएपछि समय थप गरिएको बताइएको छ ।

आगामी १५ फागुनमा त्रिविमा स्ववियु चुनाव गर्ने तयारी छ । चुनावको लागि मात्र विद्यार्थी भर्ना हुने आशंकामा त्रिविले भर्ना बन्द गरेको थियो ।

तर विद्यार्थीहरूले निश्चित समय तोकेर मात्र भर्ना बन्द गर्नुपर्ने माग राखेका थिए । त्यसैले त्रिविले स्नातकको भर्नाको समय थप गरेको हो ।