शहरी क्षेत्रको जनमतसँग पार्टीलाई थप जोड्नुपर्ने एमालेको निष्कर्ष

काठमाडौँ । नेकपा एमालेको सचिवालय बैठकले स्थानीय तहमा भएको उपनिर्वाचनको समीक्षा गर्दै समग्रतामा थप उपलव्धी हासिल गरेको निष्कर्ष निकालेको छ । 

तर, काठमाडौं– १६ र कीर्तिपुरको नतिजालाई गम्भीरतापूर्वक लिएको उपमहासचिव प्रदीप ज्ञवालीले बताए । 
मंगलबार बसेको बैठकले शहरी क्षेत्रमा अपेक्षाकृत परिणाम नआएको विश्लेषण गरेको उनको भनाइ छ । बैठकले शहरी क्षेत्रको जनमतसँग पार्टीलाई अझ बढी जोड्दै लैजानुपर्ने निष्कर्ष निकालेको उनको भनाइ छ । 

त्यस्तै सचिवालय बैठकले सामाजिक सञ्जालहरुको दुरुपयोग गर्दै गलत सूचनाको माध्यमबाट राजनीतिक दल, नेता र प्रधानमन्त्रीबिरुद्ध भ्रम फैलाउने प्रवृति उचित नभएको भन्दै गलत कुराको खण्डन र सहि बिचारको पक्षमा दृढतापूर्वक उभिने निर्णय गरेको उपमहासचिव ज्ञवालीले बताए ।