नेप्से परिसूचक १० अंकले घट्यो

काठमाडौँ । आइतबार सेयर बजार परिसूचक (नेप्से) १० अंकले घटेको छ । तीव्र उतारचढाव हुँदै बजार घटेपछि परिसूचक २७३८ बिन्दुमा ओर्लिएको छ । आज कुल ८ अर्ब ८३ करोड २२ लाख रुपैयाँको सेयर खरिदबिक्री भएको छ ।

बजार घटे पनि ५ कम्पनीको मूल्यमा सकारात्मक सर्किट लागेको छ । बिशाल बजार कम्पनी, कर्पोरेट विकास बैंक, सिन्धु विकास बैंक, ग्रिन विकास बैंक र सप्तकोशी विकास बैंकको मूल्य १० प्रतिशतले बढ्यो । आज विकास बैंक समूहको सूचक ४.५२ प्रतिशतले बढेको छ ।

आज ६३ कम्पनीको मूल्य बढेको छ । १७८ कम्पनीको मूल्य घट्यो भने ३ कम्पनीको मूल्य स्थिर छ । कारोबार रकमका हिसाबले आइतबार एक्सेल विकास बैंक शीर्ष स्थानमा रह्यो । यसको ३४ करोड ३१ लाख ४९ हजार मूल्यको सेयर खरिदबिक्री भएको छ ।