नेकपा एकीकृत समाजवादीले अहिलेको पदाधिकारीलाई नै स्थायी कमिटी बनाउने

काठमाडौँ । नेकपा एकीकृत समाजवादीले अहिलेको पदाधिकारीलाई नै स्थायी कमिटी बनाउने निर्णय गरेको छ ।

बिहीबारको केन्द्रीय कमिटी बैठकले पदाधिकारीहरू रहेको स्थायी कमिटी बनाउने निर्णय गरेको हो । बिहीबार घनेन्द्र बस्नेत, बेदुराम भुसाल र प्रमेश हमाललाई वरिष्ठ नेता मनोनीत गरिएकाले एकीकृत समाजवादीको पदाधिकारी संख्या २४ पुगेको छ ।

दशौं राष्ट्रिय महाधिवेशनबाट अध्यक्ष माधवकुमार नेपाल, सम्मानित नेता झलनाथ खनाल र महासचिव घनश्याम भुसाल चयन भएका थिए । मंगलबार राजेन्द्र पाण्डे वरिष्ठ उपाध्यक्ष निर्विरोध भए ।

बाँकी ६ उपाध्यक्ष, चार उपमहासचिव र ७ सचिव मतदाबाट निर्वाचित भएका छन् । यिनै पदाधिकारी रहेको स्थायी कमिटी हुने बैठकले निर्णय गरेको छ । केन्द्रीय सदस्यहरूको मतदानबाट बिहीबार नै पोलिट्ब्यूरो गठन भएको छ । १०५ सदस्यीय पोलिटब्युरोको एकतिहाइ सदस्य स्थायी कमिटी रहने व्यवस्था छ ।