गाजाको एक विद्यालयमा इजरायली आक्रमण, ९० भन्दा बढीको मृत्यु

काठमाडौं। हमासको सिभिल डिफेन्स एजेन्सीले आश्रयस्थल बनाएको गाजाको एउटा विद्यालयमा इजरायलले आक्रमण गरेको छ । इजरायली सेनाले विद्यालयमा सञ्चालित हमासको कमाण्ड एण्ड कन्ट्रोल सेन्टरलाई निशाना बनाएको हो । 

इजरायली सेनाले अल-ताबाइन स्कूलमा रहेको हमास कमाण्ड एण्ड कन्ट्रोल सेन्टरभित्र सञ्चालित हमास आतंककारीहरूलाई आक्रमण गरेको बताएको छ ।आक्रमणकमा ९० जनाभन्दा बढीको ज्यान गएको छ । गाजाको सिभिल डिफेन्स एजेन्सीले दराज जिल्लामा भएको आक्रमणमा कम्तीमा ९० जनाको मृत्यु भएको र धेरै घाइते भएको जनाएको छ ।

सिभिल डिफेन्स एजेन्सीका प्रवक्ता महमूद बस्सलले एएफपी समाचार एजेन्सीलाई भने अनुसार मृत्यु हुनेको संख्या ९०-१०० को बीचमा हुन सक्छ । धेरै व्यक्ति घाइते भएका छन् ।