५ लाख ९० हजार नेपाली ​रुपैयाँसहित भारतीय नागरिक पक्राउ​​

पर्सा। ​हुन्डी कारोबारमा संलग्न रहेको आरोपमा प्रहरीले एक भारतीयलाई पक्राउ गरेको छ ।पक्राउ पर्नेमा भारतको विहार राज्य पूर्वीचम्पारण रक्सौलका २९ वर्षीय बबलुराज रौनियार रहेका छन् ।

उनलाई प्रहरीले पर्साको वीरगञ्ज महानगरपालिका वडा नम्बर १५ बाइपासस्थित सडक खण्डबाट पक्राउ गरेको हो ।प्रहरीले उनको साथबाट ५ लाख ९० हजार नेपाली ​रुपैयाँसमेत बरामद गरेको जिल्ला प्रहरी कार्यालय पर्साका प्रवक्ता प्रहरी नायब उपरीक्षक (डीएसपी) दीपक भारतीले जानकारी दिए ।

डीएसपी भारतीका अनुसार पैदल हिँडिरहेका ​रौनियारले बोकेको कालो ब्यागमा उक्त परिमाणको रकम बरामद भएको छ ।थप अनुसन्धान भइरहेको प्रहरीले जनाएको छ ।