विश्वासको मत लिने तयारीमा सुदूरपश्चिमका मुख्यमन्त्री

काठमाडौ । सुदूरपश्चिम प्रदेशका मुख्यमन्त्री दीर्घबहादुर सोडारीले शुक्रबार प्रदेशसभाबाट विश्वासको मत लिने तयारी गरेका छन्। 

बेलुकी ५ बजे बस्ने प्रदेशसभा बैठकमा मुख्यमन्त्री सोडारीले विश्वासको मत लिने कार्यसूची रहेको प्रदेशसभा सचिवालयले जनाएको छ।  तर सत्ता गठबन्धनभित्रैको बेमेल र प्रतिपक्षी दलको असन्तुष्टिले अन्योलता भने कायमै रहेको बताइएको छ । 

 मुख्यमन्त्री सोडारीले विश्वासको मत लिने तयारी गरेको भए पनि सत्तारुढ दल एमालेले अहिलेसम्म औपचारिक निर्णय नगरेको बताइएको छ । 

सोडारी यही वैशाख ६ गते एमाले, माओवादी केन्द्र, नागरिक उन्मुक्ति पार्टीका अध्यक्ष पक्षधर सदस्य, स्वतन्त्र सदस्य डा तारा जोशीको समर्थनमा मुख्यमन्त्रीमा नियुक्त भएका थिए ।