लागुऔषध खैरो हेरोइनसहित नागढुङ्गाबाट दुई जना पक्राउ

काठमाडौं। काठमाडौंको नागढुङ्गाबाट लागुऔषध खैरो हेरोइनसहित २ जना पक्राउ परेका छन् ।पक्राउ पर्नेहरूमा कास्कीको पोखरा महानगरपालिका ४ बस्ने ३४ वर्षीय प्रज्ज्वल हराचन र काठमाडौं तारकेश्वर नगरपालिका १६ माछापोखरी बस्ने २१ वर्षीय सुलभ तामाङ छन् ।

उनीहरूलाई चन्द्रागिरि नगरपालिका २ नागढुङ्गाबाट १० ग्राम खैरोहेरोइनसहित शुक्रवार बिहान पक्राउ गरिएको प्रहरीले जनाएको छ ।

प्रहरी प्रभाग नागढुंगा र लागुऔषध नियन्त्रण ब्यूरो शाखा कार्यालय नागढुङ्गाबाट खटिएको प्रहरीले बा प्र ०१-००६ ख ५२१७ नम्बरको बसमा सवार उनीहरूलाई नियन्त्रणमा लिएको हो ।थप अनुसन्धान भइरहेको प्रहरीले जनाएको छ ।