एकीकृत समाजवादीले बोलायो सचिवालय बैठक

काठमाडौँ । नेकपा एकीकृत समाजवादीले सचिवालय बैठक बोलाएको छ। दिउँसो २ बजे पार्टी कार्यालय आलोकनगरमा बस्नेगरी बैठक बोलाइएको एकीकृत समाजवादीका एक नेताले बताए।

बैठकमा पछिल्ला समसामयिक राजनीतिक घटनाक्रमबारे छलफल हुने उनले बताए। उनले भने, ‘नयाँ समीकरणपछि सरकारमा गएका छौँ। त्यसबारे आगामी वैशाखमा हुने उपनिर्वाचनलगायतको विषयमा पनि छलफल हुन्छ।’

वैशाख १५ गते इलाम २ र बझाङ प्रदेश १ मा उपनिर्वाचन हुँदैछ। इलाम २ गठबन्धनको तर्फबाट सहयोग भए सम्मानित नेता झलनाथ खनालले पनि चुनाव लड्ने मुडमा छन्।यस्तै बैठकमा पार्टीको आगामी महाधिवेशनको तयारीबारे पनि छलफल हुने जनाइएको छ।