काठमाडौं। संसद्मा बोल्दा संयमित भएर बोल्ने सत्तापक्षको प्रतिबद्धतापछि प्रतिनिधि सभा बैठक सुचारु भएको छ ।कांग्रेस सांसद राजेन्द्र केसीले संसद्मा कोरम पुर्याउन नदिन सांसदलाई बाहिर पठाएको आरोप लगाएपछि शुक्रवार प्रतिनिधि सभा बैठक अवरुद्ध भएको थियो ।
शुक्रवार बसेको प्रतिनिधि सभाको दोस्रो बैठकमा नेपाली कांग्रेसका प्रमुख सचेतक रमेश लेखकले संसद्को बैठकलाई स्वस्थ, मर्यादित र प्रभावकारी बनाउन आग्रह गरे ।
संसद् प्रभावकारी नहुँदा सरकार पनि निष्प्रभावी हुने भन्दै उनले बैठकमा बोल्दा सत्ता र प्रतिपक्षका सांसद जिम्मेवार र संयमित हुनुपर्ने लेखकले उल्लेख गरे । शुक्रवारको पहिलो बैठकमा भएको अवरोध गलत भन्दै उनले संसदमा धैर्यता पूर्वक कुरा राख्न आग्रह गरे ।
त्यसपछि नेकपा एमालेका सचेतक महेश बर्तौलाले सत्तापक्षका सांसदको व्यवहार उग्र भएको टिप्पणी गरे ।बर्तौलाले बोलेपछि प्रतिनिधि सभाको बैठक सुचारु भएको छ । बिहानको बैठक अवरुद्ध भएपछि सभामुख देवराज घिमिरेले प्रमुख दलका सचेतकहरूसँग छलफल गरेका थिए ।
प्रतिक्रिया दिनुहोस
सफल खबर संवाददाता
शुक्रबार, ११ फागुन २०८०, १६ : ३५
लेखकबाट थप
सम्बन्धित समाचारहरु
काँग्रेसको अवरोधपछि प्रतिनिधि सभाको बैठक स्थगित
सांसदहरू बैठकमा आउनै नमान्ने सभामुखसँग संसदीय समितिका सभापतिहरूको गुनासो
प्रतिनिधि सभा बैठकमा कांग्रेसको अवरोध
प्रतिनिधि सभा बैठक शुरू, प्रधानमन्त्री प्रचण्डले जवाफ दिने
गृहमन्त्रीले राजनीतिक दलसम्बन्धी विधेयक पेश गर्ने संसद्को कार्यसूची, अवरोध गर्ने कांग्रेसको तयारी
सरकारलाई जनताले भेटुन्, सहकारी पीडितले न्याय पाउन् : रामहरि खतिवडा