पोखरा । पोखरा घर भई स्कटल्यान्डको एबर्डिनमा बस्दै आएका दुई नेपाली दिदीबहिनीको आगलागीमा परेर मृत्यु भएको छ।
एबर्डिनको ब्याक हिल्टन रोडमा बस्दै आएका करिब २८ वर्षकी आँचल सुवेदी र २४ वर्षकी शिक्षा सुवेदीको सोमबार साँझ भएको आगलागीमा परेर मृत्यु भएको एनआरएनए युकेका अध्यक्ष प्रेम गाहा मगरले जानकारी दिएका छन्।
उनीहरु पोखरा युनिभर्सिटीका पूर्व प्राध्यापक डा.यज्ञप्रसाद सुवेदीका छोरी हुन्। मृतकमध्ये दिदी आँचल इन्जिनियर थिइन् भने बहिनी शिक्षा आइटीकी विद्यार्थी थिइन्।
एबर्डिनस्थित नेप्लिज हिमालयन एशोसिएसन स्कटल्यान्डका अध्यक्ष डा.शिव तिवारीका अनुसार एउटै बिल्डिङको तल्लो फ्ल्याटमा आगो लागेपछि दोस्रो तल्लामा रहेका दिदी बहिनी आत्तिँदै भुईंतलामा झर्ने क्रममा धुवाको मुस्लोमा परेर निस्सासिएका थिए। उनीहरुकाे घटनास्थलमै मृत्यु भएको हो।
मृतक दिदीबहिनीको दाहसंस्कार आउँदो मंगलबार गर्ने तयारी परिवारजनले गरेका छन्। सोही घटनामा आगलागीमा परेर निस्सासिएका अन्य ५ जनालाई प्रहरीले उद्धार गरेको थियो।
प्रतिक्रिया दिनुहोस
सफल खबर संवाददाता
शुक्रबार, १९ माघ २०८०, ०८ : २३
लेखकबाट थप
सम्बन्धित समाचारहरु
चीनको सपिङ सेन्टरमा आगलागी, कम्तीमा १६ जनाको मृत्यु
सपिङ सेन्टरमा आगलागी हुँदा १६ जनाको मृत्यु
चीनको एक सपिङ सेन्टरमा आगलागी हुँदा कम्तीमा १६ जनाको मृत्यु
झापाको एक ग्यारेजमा आगलागी, नौ लाख बराबरको क्षति
उत्तरी इरानको अस्पतालमा आगलागी, ९ जनाको मृत्यु
कुवेतको आवासीय भवनमा आगलागी : कम्तीमा ४० जनाको मृत्यु