काठमाडौँ । प्रहरीले ठगीमा संलग्न एकजना युवकलाई पाँचथरबाट पक्राउ गरेको छ । पक्राउ पर्नेमा सप्तरीको राजविराज घर भएका २६ वर्षीय डम्बर शाह छन् । दुई वर्षको बिचमा उनले डेढ अर्बको कारोबार गरेको भेटिएको उपत्यका अपराध अनुसन्धान कार्यालयका एसपी रवीन्द्र रेग्मीले बताए ।
अनलाइनमार्फत ‘पार्शल पठाएको छु’ भनेर पीडितलाई विश्वास दिलाएपछि सामान छुटाउन पैसा डिपोजिट गर्न लगाउने गिरोहसँग शाहको ‘कनेक्सन’ भेटिएको छ । पार्सल पठाउने नाममा ठग्ने गिरोहले डम्बरको खातामा पैसा डिपोजिट गर्न लगाउने गरेको प्रहरीको अनुसन्धान निष्कर्ष छ । पछिल्लो दुई वर्षको बिचमा ३४ वटा खाताबाट डम्बरको खातामा पैसा डिपोजिट भएको अनुसन्धानबाट थाहा भएको छ ।
ठग्ने समूहले पार्सल हिँडेको भन्ने र भन्सारले सामान रोकेको बहाना बनाएर ठग्दै आएका छन् । त्यसबारे अनुसन्धान गर्दा शाहले चारवटा विकल्प दिएर ठगीमा संलग्न आरोपीहरूको रकमको कारोबार गर्ने गरेको भेटिएको छ ।
आफ्नो खातामा जम्मा भएको पैसालाई क्रिप्टोमा रूपान्तरण गर्ने, नगद चाहिनेलाई नगद र खातामा राख्न चाहनेलाई उनले राख्ने सुविधा दिँदै आएका थिए । सो बापत उनले कमिसन लिने गरेको अनुसन्धानमा संलग्न इन्स्पेक्टर निर्मल थापाले बताए ।
प्रतिक्रिया दिनुहोस
सफल खबर संवाददाता
मंगलबार, १६ माघ २०८०, १६ : १८
लेखकबाट थप
सम्बन्धित समाचारहरु
संरक्षित वन्यजन्तु सालकको अखेटोपहारसहित नुवाकोटका ६ जना पक्राउ
लागु औषधसहित ७ जना पक्राउ
जुम्लामा ब्राउन सुगरसहित एक जना पक्राउ
स्रोत नखुलेको १२ लाख नगद सहित दुईजना पक्राउ
विदेशी मुद्रासहित एक जना पक्राउ
लागु औषधसहित विभिन्न स्थानबाट १६ जना पक्राउ