काठमाडौं । नेपाल राष्ट्र बैंकले बैंकिङ प्रणालीबाट २० अर्ब तरलता खिच्ने भएको छ । बिहीबार निक्षेप संकलन उपकरण बोलकबोलमार्फत २१ दिनको लागि २० अर्ब तरलता बैंकिङ प्रणालीबाट खिच्न लागिएको राष्ट्र बैंकले जनाएको छ ।
१८ पुसमा २५ अर्बको निक्षेप संकलन उपकरण परिपक्व भएको थियो । त्यसबाहेक पनि राष्ट्र बैंकले ६ वटा निक्षेप संकलन उपकरणमार्फत १ खर्ब २५ अर्ब तरलता खिचेको छ । बिहीबार थप २० अर्बको निक्षेप संकलन उपकरण बोलकबोल गर्न लागेको हो । १८ पुसमा २५ अर्बको निक्षेप संकलन उपकरण बोलकबोल गर्दा १९ अर्ब ९० करोडको प्रस्ताव आएको थियो ।
उक्त निक्षेप संकलन उपकरणको ब्याजदर अधिकतम ३ दशमलब ११ प्रतिशत र न्यूनतमा २ दशमलब ५९९ प्रतिशत प्रस्ताव गर्दा औसत ३ प्रतिशत कायम भएको राष्ट्र बैंकले जनाएको छ । राष्ट्र बैंकले बैंकिङ प्रणालीमा अधिक तरलता भएपछि निरन्तर निक्षेप संकलन उपकरण बोलकबोल गर्दै आएको छ । चालू आर्थिक वर्षमा निक्षेप संकलन उपकरणमार्फत ३ खर्ब ५ अर्बको तरलता खिचेको राष्ट्र बैंकले जनाएको छ ।
प्रतिक्रिया दिनुहोस
सफल खबर संवाददाता
विहीबार, १९ पुस २०८०, १५ : २२
लेखकबाट थप
सम्बन्धित समाचारहरु
राष्ट्र बैंकले १३ अर्ब ५ करोडको ट्रेजरी बिल नवीकरण गर्दै
सहकारीलाई राष्ट्र बैंकमार्फत पुनर्कर्जा दिइने
विना धितो ५ लाख भन्दा बढी ऋण नदिन लघुवित्तलाई राष्ट्र बैंकको निर्देशन
राष्ट्र बैंकमा ‘नीतिगत भ्रष्टाचार’ विरुद्धको रिटमा आज सुनुवाइ
तीन विकास बैंक र तीन फाइनान्स कम्पनी राष्ट्र बैंकको कारबाहीमा
राष्ट्र बैंकले अवकाश कोषमा रहेको २५ करोड रुपैयाँ विभिन्न बैंकमा राख्ने