एकीकृत समाजवादीको केन्द्रीय कमिटी बैठक आजदेखि सुरु

काठमाडौँ । सत्ता साझेदार नेपाल कम्युनिष्ट पार्टी एकीकृत समाजवादीको सातौं केन्द्रीय कमिटी बैठक आजदेखि सुरु हुँदैछ । बैठक बिहान ११ बजेबाट सुरु हुनेछ ।

तीन दिनसम्म चल्ने बैठकमा पार्टीको विधान हेरफेरका साथै आसन्न महाधिवेशनका लागि वैचारिक दृष्टिकोण सम्बन्धी छलफल हुने बताइएको छ ।

महासचिव घनश्याम भुसालका अनुसार बैठकमा देशभर पार्टी संगठनको अवस्था, पार्टीको आन्तरिक विवाद, समसामयिक परिस्थितिबारे छलफल हुनेछ ।