सेना कर्मचारीलाई तलब खुवाउन सरकारले आन्तरिक ऋण उठाउनु परेको छ : केपी ओली

डडेल्धुरा । नेकपा एमालेका अध्यक्ष केपी शर्मा ओलीले सेना कर्मचारीलाई तलब खुवाउन सरकारले आन्तरिक ऋण उठाईरहेको बताएका छन । सरकारले अर्थतन्त्र उकास्न कुनै काम नगरेको आरोप लगाउँदै उनले निर्माण ब्यवसायीलाई पैसा नदिएर सरकारले हैरान बनाएको पनि आरोप लगाएका छन । 

‘सत्तासिन गठबन्धनका नेताहरु सरकार कसरी जोगाउने ? मन्त्री कसरी हुने ? कसले बढी कमाउने ? कसले आफन्त बढी पोस्ने ? मा लागेको छ,’ ओलीले भन्नुभयो, ‘सरकार सेना र कर्मचारीलाई तलबभत्ता खुवाउन नसकेर आन्तरिक ऋण खोजेर खुवाउन थालेको छ ।’

उनले परिवर्तन उल्टाउनका लागि बिभिन्न कार्यक्रम र गतिविधि गर्दा पनि सरकार मुकदर्शक भएको आरोप लगाए ।