रणवीर कपुरले ‘रामायण’को छायांकन अवधिभर मांसाहारी खाना र मदिरा त्याग्ने

काठमाडौं। नितेश तिवारीले निर्देशन गर्ने फिल्म ‘रामायण’मा रामको भूमिका निर्वाह गर्न लागेका रणवीर कपुरले छायांकन अवधिभर मदिरा र मांसाहारी खाना त्याग्ने घोषणा गरेका छन् ।

भगवान रामको सम्मानमा यस्तो निर्णय गरेपछि उनलाई सामाजिक सञ्जालमा प्रशंसा मिलिरहेको छ । तिवारीको निर्देशन रहने यो फिल्ममा रामको भूमिकामा रणवीर देखिंदा सीताको भूमिकामा साई पल्लवी र रावणको भूमिकामा यश प्रस्तुत हुँदैछन् । नितेशले फिल्म ‘रामायण’ निर्माणको घोषणा गरेदेखि नै फ्यान उत्साहित देखिएका छन् ।