काठमाडौ । पाल्पामा कुटपिटबाट एक जनाको मृत्यु भएको छ । पाल्पाको तिनाउ गाउँपालिका-२ स्थित घोडेबासमा तीजमा नाच्ने क्रममा भएको विवादपछि कुटपिट हुँदा एक जनाको मृत्यु भएको प्रहरीले जनाएको छ ।
कुटपिटबाट गम्भीर घाइते भएका घोडेबासकै २४ वर्षीय सुनिल खत्रीको मृत्यु भएको जिल्ला प्रहरी कार्यालय पाल्पाले जनाएको छ । कुटपिटबाट घाइते भएका उनलाई राति नै उपचारको लागि लुम्बिनी प्रादेशिक अस्पताल बुटवल पुर्याइएको थियो । तर, अस्पताल पुर्याएलगत्तै चिकित्सकले उनलाई राति पौने २ बजे मृत घोषणा गरेको जिल्ला प्रहरी कार्यालयका प्रवक्ता प्रहरी निरीक्षक सन्तोष चन्दले जानकारी दिए ।
उनका अनुसार राति साढे १० बजे तीज नाच भइरहेको अवस्थामा खत्री र उनका साथीहरूबीच सामान्य झगडा भएको थियो । त्यही झगडालाई लिएर राति सवा १२ बजे उनीहरूबीच पुन: कुटाकुट भएको उनले बताए ।
झगडा तथा कुटपिटमा संलग्न शङ्कास्पद ४ जनालाई नियन्त्रणमा लिएर अनुसन्धान भइरहेको उनले बताए
प्रतिक्रिया दिनुहोस
सफल खबर संवाददाता
सोमबार, ०१ असोज २०८०, १० : ०९
लेखकबाट थप
सम्बन्धित समाचारहरु
डढेलो बस्तीमा पस्दा रामेछापमा एक जनाको मृत्यु
इनार खन्ने क्रममा निसास्सिएर दुई जनाको मृत्यु
जङ्गलमा लागेको आगो घरमा सल्किँदा घर नष्ट
जगातीमा कारको ठक्करबाट स्कुटर चालकको मृत्यु
ललितपुरमा डढेलो निभाउने क्रममा घाइते भएका एक जनाको मृत्यु
रुकुम पश्चिममा ट्रककाे ठक्करबाट मोटरसाइकल चालककाे मृत्यु