नेपाल म्यानमारसँग पराजित

काठमाडौं । म्यानमारसँगको दोस्रो मैत्रीपूर्ण फुटबलमा नेपाल पराजित भएको छ ।

म्यानमारको यांगोनस्थित थुवुना रंगशालामा भएकाे खेलमा नेपाल १–० ले पराजित भएको हाे । खेलको ८५ औं मिनेटमा विन नाइन तुनले काउन्टर अट्याकमा गरेको गोल नै म्यानमारको जितका लागि पर्याप्त रह्यो ।

पहिलो खेल शुक्रबार गोलरहित बराबरीमै टुङ्गिएको थियो । पहिलो खेलमा अञ्जन विष्टले पेनाल्टीमा गोल गर्न चुक्दा नेपाल बराबरीमा रोकिएको थियो ।