एमाले लुम्बिनी अधिवेशन : आज मतदान हुँदै

बुटवल । नेकपा (एमाले) लुम्बिनी प्रदेश अधिवेशन अन्तर्गत आज (मंगलबार) मतदान हुने भएको छ । रातको समयमा मतदान गर्न कठिनाइ हुने भन्दै सोमबार साँझ मतदानका सबै कार्यक्रम स्थगित गरिएको थियो । 

आज बिहान ८ बजेबाट पुन: मतदान कार्य शुरू गरिने निर्वाचन समितिका प्रमुख हरि भण्डारीले जानकारी दिए |

यसअघि हिजो साँझ ८ बजेबाट मतदान हुने भनिएको थियो ।

लुम्बिनी एमालेमा प्रदेश अध्यक्षका लागि हरिप्रसाद रिजाल र  राधकृष्ण कँडेलबीच प्रतिस्पर्धा हुँदै छ । सचिवमा लक्ष्मण आचार्य निर्विरोध भइसकेका छन् ।

अधिवेशनमा ५ पदकाे  लागि १४ जनाकाे उम्मेदवारी परेकाे निर्वाचन समितिले जनाएको छ। अध्यक्षमा दुई जना , उपाध्यक्षमा  ४  जनाकाे उम्मेदवारी परेकाे छ । यस्तै उपसचिवमा पुरुष ३ जना र महिला पनि ३ जनाको उम्मेदवारी परेको छ।