काठमाडाैं। नेपाली कांग्रेसका उपसभापति एवं उपप्रधानमन्त्री पूर्णबहादुर खड्काले पार्टी रुपान्तरण र सुधार आफैंबाट शुरु गर्नुपर्नेमा जोड दिएका छन् ।काठमाडौं क्षेत्र नं ३ को क्षेत्रीय भेलामा उनले गाउँ तहदेखि केन्द्रीय तहसम्मका सबै नेतालाई पार्टी रुपान्तरण र सुधारका लागि आफैंबाट शुरु गर्न सुझाव दिए ।
“अरूलाई भन्नुभन्दा हरेक नेता तथा कार्यकर्ताले आफैंबाट सुधार शुरु गर्नुपर्छ”, रक्षामन्त्रीसमेत रहेका खड्काले भने, “पार्टीलाई जीवनका लागि टोल तहको नेतृत्वदेखि केन्द्रीय तहका सबैमा सुधार जरुरी छ ।” उनले आम नेपाली जनता, मतदाता र पार्टी कार्यकर्ताले मन नपराएको तथा नगर भनेको कुरा नगर्दा मात्रै पनि पार्टीमा सुधार देखिने धारणा राखे ।
उनले जनताले औंल्याएका कमी कमजोरी सुधार गरी जाने सङ्कल्प बोकेर काम गरे पार्टी सुधार र रुपान्तरण हुने बताए । पार्टीमा स्थापनाकालमा काम गरेका र नयाँ पुस्ता पनि रहेको भन्दै उनले पार्टीको निर्णय पनि त्यसैअनुसार व्यवस्थापन हुनुपर्ने भनाइ राखे।
उपसभापति खड्काले केन्द्रीय तहबाट हुनुपर्ने विभाग गठनमा केही ढिलाइ भए पनि चाँडै त्यसलाई पूर्णता दिइने जानकारी पनि दिए । उनले एउटा उमेर समूहले अर्को उमेर समूहलाई पार्टीमा औँला उठाउने मात्र गरे पार्टी बलियो हुन नसक्ने भन्दै सबै मिलेर जानुपर्नेमा जोड दिए ।
प्रतिक्रिया दिनुहोस
सफल खबर संवाददाता
शनिबार, ०९ भदौ २०८०, १५ : ३४
लेखकबाट थप
सम्बन्धित समाचारहरु
निजामती कर्मचारीको शिर झुक्ने गरी ऐन पारित हुन दिन्नौं : पूर्णबहादुर खड्का
मैले अहिलेसम्म आक्षेप र टकरावको राजनीति गरेको छैन : उपप्रधानमन्त्री खड्का
रक्षा मन्त्री खड्काद्वारा सैनिक इकाइहरुको भ्रमण
मुलुक काँग्रेसको नीतिअनुसार चलेको छ : उपसभापति खड्का
विश्वशान्ति स्थापनामा प्रभावकारी भूमिका निर्वाह गर्ने नेपालको प्रतिबद्धता
यमप्रसाद अधिकारी प्रधानसेनापति बन्ने सम्भावना गलत हो : उपप्रधानमन्त्री खड्का