काठमाडौं। गत शुक्रवार रातिदेखि परेको अविरल वर्षा हिजो सोमवारबाट केही कम भएको छ । शनिवार र आइतवारको तुलनामा अबको एक–दुई दिन वर्षा कम हुने जल तथा मौसम विज्ञान विभाग, मौसम पूर्वानुमान महाशाखाले पूर्वानुमान गरेको छ ।महाशाखका मौसमविद् रोजन लामिछानेका अनुसार अबको दुई/तीन दिन वर्षा धेरै हुने देखिँदैन ।
'मनसुन अबको दुई/तीन दिन सक्रिय हुने देखिँदैन । यसको अर्थ वर्षा नै नहुने भन्ने होइन तर, निरन्तर र भारी वर्षाको सम्भावना छैन । शनिवार र आइतवार बढी वर्षा भयो, अब यो क्रमशः कम हुँदै जानेछ,' उनले भने ।
महाशाखाका अनुसार मनसुनको न्यून चापीय रेखा सरदर स्थानभन्दा उत्तरतिर छ । अबको केही दिन मनसुन न्यून चापीय रेखा सरदर स्थानभन्दा उत्तरतिर नै रहने हुनाले मनसुनी वर्षा कम हुने पूर्वानुमान गरिएको मौसमविद् लामिछानेले बताए ।
महाशाखाले जारी गरेको मौसम पूर्वानुमान बुलेटिनमा अहिले देशभर आङ्शिकदेखि सामान्य बदली छ । कोशी र गण्डकी प्रदेशका केही स्थानमा तथा बाँकी प्रदेशका थोरै स्थानमा हल्कादेखि मध्यम वर्षाको सम्भावना छ । कोशी प्रदेशका एक–दुई स्थानमा भारी वर्षाको समेत सम्भावना छ ।
रातिको समयमा पनि कोशी, मधेश, बागमती र गण्डकी प्रदेशका केही स्थानमा तथा बाँकी प्रदेशका एक–दुई स्थानमा हल्कादेखि मध्यम वर्षाको सम्भावना छ ।
प्रतिक्रिया दिनुहोस
सफल खबर संवाददाता
मंगलबार, ३० साउन २०८०, १६ : ३२
लेखकबाट थप
सम्बन्धित समाचारहरु
नदी प्रदूषण निकुञ्जको पारिस्थितिकीय प्रणालीकै लागि जोखिम
आज काठमाडौंमा पानी पर्ने सम्भावना कति ?
सत्ताइस प्रतिशत नागरिकमा मात्रै गुणस्तरीय पानीको पहुँच
पानी जेटबोटले सहज बन्दै भोजपुरवासीको यात्रा
चितवनको इच्छाकामनामा ढुङ्गा उत्खननले सुक्यो पानीको मुहान
गाजामा बालबालिकाका लागि पिउने पानीको सङ्कट