कांग्रेसमा अनुशासन उल्लंघनका २१ सय उजुरी

काठमाडौँ । नेपाली कांग्रेसको अनुशासन समितिमा २१ सय उजुरी परेका छन् । गत निर्वाचनमा घात, अन्तर्घात, बागी उम्मेदवार लगायतका घटनामा सो संख्यामा उजुरी परेका हुन् । 

जारी केन्द्रीय समिति बैठकमा अनुशासन समितिका संयोजक तथा कांग्रेस नेता आनन्द ढुंगानाले ४६ जिल्लाबाट २१ सय उजुरी परेको बताएका हुन् । तर ती सवै उजुरीमाथि छानबिन पुरा गर्न बाँकी नै रहेको ढुंगानाले जानकारी दिए । 

त्यस्तै उनले ८७ जनालाई कारबाही गरिएको समेत जानकारी दिएका छन् ।