गण्डकीको बजेट प्राथमिकता : उत्पादन र उत्पादकत्व अभिवृद्धिमा जोड

काठमाडौँ । गण्डकी प्रदेश सरकारले उत्पादन र उत्पादकत्व अभिवृद्धिमा जोड दिँदै आगामी आर्थिक वर्षको बजेट सार्वजनिक गरेको छ । शुक्रवारको प्रदेशसभा बैठकमा आर्थिक वर्षको बजेट वाचन गर्दै अर्थमन्त्री जित प्रकाश आले मगरले बजेटले ‘उत्पादन र उत्पादकत्व अभिवृद्धि, पर्यटन प्रवर्द्धन, औद्योगिकीकरण सुदृढीकरण’मा जोड दिएको बताए । 

त्यस्तै बजेटमा ‘कृषि उत्पादन बढाऔँ, आयात प्रतिस्थापन गरौँ’ भन्ने नाराका साथ कृषिजन्य बस्तुको निर्यात प्रवर्द्धनका लागि ७ करोड बजेट विनियोजन गरिएको छ । त्यस्तै बाझो जमिन प्रयोगमा ल्याउन १ करोड ५२ लाख रकम विनियोजन गरेको अर्थमन्त्री मगरले घोषणा गरे ।