लुम्बिनी प्रदेश सरकारको नीति तथा कार्यक्रम सतही आयो : एमाले

रुपन्देही । लुम्बिनी प्रदेश सरकारले यसअघिका धेरै नीति तथा कार्यक्रमलाई नै निरन्तरता दिँदै आगामी आव २०८०÷०८१ का लागि शुक्रबार नीति तथा कार्यक्रम सार्वजनिक गरेको छ ।

सार्वजनिक गरिएको नीति तथा कार्यक्रमलाई प्रमुख प्रतिपक्षी तथा नेकपा एमाले संसदीय दलका नेता, लिला गिरीले अहिलेको नीति तथा कार्यक्रम सतही आएको बताए। उनले समग्र विषयवस्तु नै फितलो र हल्का रहेको बताए। प्रदेशको समृद्धिका जुन आधार तय भएका थिए तिनलाई साकार बनाउने खालका उपयुक्त कार्यक्रम बनानुपर्ने भएपनि त्यसतर्फ ध्यान दिइएको नपाइएको उनको भनाइ छ ।

उनले भने, 'बरु यसले थप निराश बनाउने काम गरेको छ। अहिलेको विषम आर्थिक परिस्थितिलाई सही ढंगले अध्ययन गरि समाधानका उपाय पहिल्याउने तर्फ पनि ध्यान दिइएको पाइएन ।’ 'समग्र विषयमा हामीले अध्ययन गरेर आफ्नो धारणा संसदमै प्रस्तुत गर्नेछौं 'उनले प्रतिक्रया दिदै भने।