काठमाडौं । नेकपा एमालेले पार्टीको कार्यकारी पदमा निर्वाचित वा मनोनित हुन ७० वर्षको उमेर हद हटाएको छ । पार्टी अध्यक्ष वा अन्य कार्यकारी पदमा निर्वाचिन हुन ७० वर्ष मुनिको हुनुपर्ने प्रावधान राखिएकोमा उक्त प्रावधान हटाइएको हो ।
गत बैशाख २८ देखि ३० गतेसम्म बसेको केन्द्रीय कमिटी बैठकले पार्टी विधानमा रहेको ७० वर्षे प्रावधान निलम्वन गर्ने निर्णय गरेको थियो । उक्त निर्णयलाई यही जेठ १९ गते बसेको सचिवालयले अनुमोदन गरेपछि एमाले पार्टीका तल्लो तहमा पनि सोही बमोजिनको सर्कुलर गरेको हो ।
२०७८ साल मंसीरमा चितवनमा सम्पन्न महाधिवेशनमा सोही प्रावधानका कारण केही नेताहरु नेतृत्वका लागि प्रतिष्पर्धा गर्नबाट बञ्चित भएका थिए । केपी ओलीलाई पुनः अध्यक्ष बनाउने उद्धेश्य अनुरुप ७० वर्षे प्रावधान हटाइएको अनुमान गरिएको छ ।
यस्तै, एमालेले पार्टी नेताहरूको जिम्मेवारी समेत हेरफेर गरेको छ । मंगलबार बसेकोे सचिवालय बैठकले सबै नेताहरूको जिम्मेवारी हेरफेर गरेको हो । जस अनुसार सात जना उपाध्यक्षहरूलाई पार्टीका ३३ विभाग समन्वयको जिम्मेवारी दिइएको छ भने ६ जना सचिवलाई प्रदेश इन्चार्जको जिम्मेवारी दिइएको छ ।
स्थायी कमिटी र पोलिटब्युरो सदस्यलाई जिल्ला इन्चार्ज तोकिएको छ । केन्द्रीय सदस्यहरूलाई भने स्थानीय तहको जिम्मेवारी दिइएको छ । एमालेले यसपटक सहइन्चार्ज हटाएर केन्द्रीय सदस्यहरूलाई महानगर, उपमहानगर, नगर र गाउँपालिकाको इन्चार्जको जिम्मेवारी दिएको छ ।
प्रतिक्रिया दिनुहोस
सफल खबर संवाददाता
बुधबार, २४ जेठ २०८०, १२ : ०४
लेखकबाट थप
सम्बन्धित समाचारहरु
मदन भण्डारीको स्मृतिमा राष्ट्रिय खुला म्याराथन हुने
८४ मा एमालेको बहुमत आउने गरी काम गर्न ईश्वर पोखरेलको निर्देशन
पूर्वराष्ट्रपति भण्डारीलाई राष्ट्रिय गौरव पदकबाट सम्मान गर्दै एमाले
अनुमति बिना विदेश नजान सांसदहरूलाई ओलीको निर्देशन
म काँग्रेसमा नयाँ मुना पलाओस् भन्छु, तर मति बिगारिरहन्छ : केपी ओली
एमाले सोलुखुम्बुको अध्यक्षमा बास्तोला निर्वाचित