लागुऔषधसहित एक जना पक्राउ

सफल खबर संवाददाता

विहीबार, ०४ जेठ २०८०, ०८ : ४३
लागुऔषधसहित एक जना पक्राउ

वीरगञ्ज । वीरगञ्जमा लागुऔषधसहित एक जना पक्राउ परेका छन्।

चितवनकाे भरतपुर महानगरपालिका-१ निवासी १८ वर्षीय सुनिल यादव पक्राउ परेका हुन्।

प्रहरी चौकी इनर्वाबाट खटिएको टोलीले उनलाई वीरगञ्ज महानगरपालिका-१६ मा पक्राउ गरेको हो।

यादवले शरीरको कम्मर पेटीको भागमा लुकाइछिपाई ल्याएको लागुऔषध नाइट्राभेट १० पत्ता ट्याब्लेट फेला परेको पर्साका प्रहरी प्रवक्ता डिएसपी दिपक गिरिले जानकारी दिए।

यादवलाई लागुऔषध मुद्दामा अदालतबाट तीन दिनको म्याद लिइ थप अनुसन्धान भइरहेको गिरिले बताए।