कांग्रेस बैठक बस्नु अघि नै देउवाले प्रधानमन्त्री प्रचण्डसँग किन भेटे ?

सफल खबर संवाददाता

विहीबार, २८ बैशाख २०८०, १२ : २०
कांग्रेस बैठक बस्नु अघि नै देउवाले प्रधानमन्त्री प्रचण्डसँग किन भेटे ?

काठमाडौँ । नेपाली कांग्रेसका सभापति शेरबहादुर देउवा र रक्षा मन्त्री पूर्णबहादुर खड्काले प्रधानमन्त्री पुष्पकमल  दाहाल ‘प्रचण्ड’लाई  भेटेका छन् । प्रधानमन्त्री निवास बालुवाटारमा कांग्रेस पदाधिकारी बैठक अघि सभापति देउवा र रक्षा मन्त्री खड्काले प्रधानमन्त्रीलाई भेटेका हुन् ।

कांग्रेस पदाधिकारी बैठक दिउँसो २ बजे देउवा निवास धुम्बाराहीमा बस्दै छ । भुटानी शरणार्थी प्रकरणमा देखिएको पछिल्लो राजनीतिक अवस्थाका विषयमा प्रचण्डसँग  देउवा र खड्काको छलफल गरेको बताइएको छ । तर, प्रधानमन्त्रीका प्रेस विज्ञ मनहरि तिमिल्सेनाले सरकारले ल्याउने नीति तथा कार्यक्रमका विषयमा छलफल भएको बताए । 

प्रधानमन्त्रीले नीति तथा कार्यक्रमका विषयमा  निरन्तर छलफल गरिरहेकाले देउवा र खड्कालाई समेत बोलाएर भेटेको उनले बताए ।

प्रतिक्रिया दिनुहोस