टेक्सासमा कारको ठक्करबाट ८ जनाको मृत्यु, ५ घाइते

एजेन्सी । अमेरिकाको टेक्सास राज्यमा एक कारले ठक्कर दिँदा ८ जनाको मृत्यु भएको छ।

मेक्सिकोको सीमा नजिकै रहेको ब्राउन्सभिल सहरमा स्थानीय समय अनुसार आइतबार बिहान ८:३० बजे भएको दुर्घटनामा ५ जना घाइते भएको जनाइएको छ। दुर्घटनामा केहीको अवस्था गम्भीर छ।

घरबारविहीन र आप्रवासीहरूको आश्रयस्थल नजिकैको बस स्टपमा बसिरहेको करिब २० जनाको एक समुहलाई खैरो रङको रेन्ज रोभर कारले ठक्कर दिएको थियो।

प्रहरीले कार चालकलाई नियन्त्रणमा लिएको छ। जानाजान दुर्घटना गराएको आरोप चालकमाथि छ।