कर्णाली प्रदेश : कांग्रेसको प्रमुख सचेतकमा विष्ट

सुर्खेत। नेपाली कांग्रेस कर्णाली प्रदेश संसदीय दल प्रमुख सचेतकमा सांसद हिक्मत विष्ट चयन भएका छन् । कांग्रेस संसदीय दलको बिहीबार बसेको बैठकले विष्टलाई दलको प्रमुख सचेतक चयन गरेको हो ।

कांग्रेस संसदीय दलका नेता जीवनबहादुर शाहीले दलको बैठकले सबैको सहमतिमा विष्टलाई प्रमुख सचेतक चयन गरेको बताए । विष्ट कालिकोट क्षेत्र नं. १(२) बाट निर्वाचित प्रदेश सांसद हुन् ।