काठमाडौं । बझाङ जिप दुर्घटनामा ज्यान गुमाउनेहरु एकै गाउँका भएको खुलेको छ । गएराति जयपृथ्वी राजमार्गको खोडपे–बझाङ सडकखण्डअन्तर्गत बैतडीको पाटन नगरपालिका–८ झौलेक मोडमा जिप दुर्घटना हुँदा छ जनाको घटनास्थलमै मृत्यु भएकामा उनीहरु एकैगाउँको भएको खुलेको हो ।
उनीहरु बझाङको केदारस्युँ गाउँपालिका–५ बाँझका स्थायी बासिन्दा हुन् । मृत्यु हुनेमा ६० वर्षीय मने बोहरा, सोही ठाउँका ४२ वर्षीय नरे बोहरा, ३५ वर्षीय गोरख बोहरा, ४५ वर्षीय मानबहादुर धामी, ४५ वर्षीय बिर्ख धामी र ४० वर्षीय वीरे धामी रहेका छन् ।
झुलाघाटबाट बझाङको बाग्थलातर्फ जाँदै गरेको से१ज ७६४ नंको जिप मङ्गलबार राति ११ बजे दुर्घटनामा परेको बैतडीका प्रहरी प्रवक्ता प्रहरी निरीक्षक योगेश खत्रीले जानकारी दिए ।
जिपमा सवार अन्य पाँच जनाले हामफालेर ज्यान जोगाएका छन् । बाह्र जना सवार जिप सडकबाट पाँच सय मिटर तल खसेको थियो ।
प्रतिक्रिया दिनुहोस
सफल खबर संवाददाता
बुधबार, २९ चैत्र २०७९, ०७ : ५२
लेखकबाट थप
सम्बन्धित समाचारहरु
पिकअपको ठक्करबाट ट्रक चालकको मृत्यु
माडी जाँदै गरेको बसले साइकललाई ठक्कर दिँदा एक जना गम्भीर घाइते
स्याङजामा जिप दुर्घटना हुँदा नौ जना घाइते
बसको ठक्करबाट मोटरसाइकलमा सवार २ जनाको मृत्यु
मध्यविन्दुमा मोटरसाइकल दुर्घटना, एकको मृत्यु, दुईजना घाइते
चीनमा सुरुङ मार्गभित्र बस दुर्घटना : १४ जनाको मृत्यु, ३७ घाइते