काठमाडाैँ । बलात्कारकाे अभियोग लागेका नेपाली राष्ट्रिय क्रिकेट टिमका पूर्वकप्तान सन्दीप लामिछाविरुद्ध सर्वोच्च अदालतमा परेको मुद्दाकाे पहिलो सुनवाइ शुक्रबार हुँदैछ।
एक बालिका बलात्कारको अभियोग लागेका लामिछानेलाई पुर्पक्षको लागि धरौटीमा छोड्ने उच्च अदालत, पाटनको आदेश बदरगर्न माग गर्दै महान्यायाधिवक्ता कार्यालयले सर्वोच्चमा निवेदन दिएको थियो। जसमाथी आज शुक्रबार पहिलो सुनुवाइ हुने भएको हो।
गत मंगलबार सन्दीपलाई थुनामा राखेर मुद्दाको पुर्पक्ष गर्नुपर्ने माग गर्दै दिइएको निवेदनको पेशी आज तोकिएको महान्यायाधिवक्ता कार्यालयका प्रवक्ता सन्जीवराज रेग्मीले जानकारी दिए।
उच्च अदालतको आदेशपछी रिहा भएका सन्दीपलाई पुनःनेपाली क्रिकेट मैदानमा ल्याउने नेपाल क्रिकेट संघको निर्णय भएको पर्सिपल्ट अर्थात् आज शुक्रबार सर्वोच्चमा पहिलो सुनवाई हुन लागेको हो।
बलात्कार अभियाेग लागेपछी नेपाल क्रिकेट संघ (क्यान)बाट निलम्बनमा परेका तत्कालीन कप्तान लामिछाने बिहीबार साँझदेखि हुने बन्द प्रशिक्षणमा पनि सहभागी भएका छन्। उनले बिहीबार नै कीर्तिपुर पुगेर अभ्यासमा सहभागिता जनाएका हुन्।
क्यानको पोखरामा भएको बोर्ड बैठकले सन्दीपको निलम्बन फुकुवा गर्ने निर्णय गरेको थियो।
प्रतिक्रिया दिनुहोस
रासस
शुक्रबार, २० माघ २०७९, ०७ : २५
लेखकबाट थप
सम्बन्धित समाचारहरु
ग्लोबल टी-२० खेल्न सन्दीप लामिछाने क्यानडा प्रस्थान
वेस्ट इन्डिज पुगेर सन्दीपले भने- आफ्नो र सबै क्रिकेट प्रेमीहरूको सपना पूरा गर्न तत्पर छु
सन्दीप लामिछाने वेस्ट इन्डिजमा हुने खेलहरूमा सहभागी हुने
'सरकार र आईसीसीबाट पहल गर्दा पनि सन्दीपलाई दिएन अमेरिकाले भिसा'
सन्दीप लामिछानेको भिसा पुनः अस्वीकृत
मेरो सपना पूरा नभएपनि देशको सपना पूरा भएको छ, खुसी छु : सन्दीप लामिछाने