पाल्पामा बस दुर्घटना अपडेट: मृत ६ जनाकै पहिचान खुल्याे

काठमाडाैं । पाल्पाको रैनाछहरा गाउँपालिको खुर्सानेमा बिहिबार राति भएको बस दुर्घटनामा मृत्यु हुनेहरुको पहिचान खुलेको छ ।

रुपन्देहीको सालझण्डीबाट खुर्सानो जाँदै गरेको बिहिबार साढे १० बजेतिर दुर्घटना भएको थियो । मृत्यु हुने ६ जना नै महिला रहेका छन् । मृतकहरुमा खुर्सानेकी ४५ वर्षीया गुनाकुमारी गाहा, २१ वर्षीयामा दानकुमारी खत्री, ५४ वर्षीया खेमकुमारी राना, ३३ वर्षीया निर्मला घिमिरे, ११ वर्षीया सुरुमा घिमिरे र १९ वर्षीया बिमान पाण्डे रहेका छन् 

मृतकहरु सबै खुर्सानेका रहेको र दुर्घटनामा परी १८ जना घाइते भएको जिल्ला प्रहरी कार्यालय पाल्पाले जनाएको छ । घाइतेहरुलाई उपचारका लागि बुटवल लगिएको छ । घाइतेहरु अधिकांशको हात खुट्टा भाच्चिएका छन् ।

बस सडकबाट १ सय मिटर तल खसेको थियो ।