माओवादी बाग्मती दलको नेता बैठक काठमाडौंमा बस्दै

काठमाडौं । नेकपा माओवादी केन्द्रको बाग्मती प्रदेशको संसदीय दलको बैठक पुस १५ गते काठमाडौं बस्ने भएको छ ।  

काठमाडौंको कुन स्थानमा बस्ने भन्ने विषयमा टुंगो लागि नसकेको सांसद सरल सहयात्री पौडेलले बताए । पुस १५ गतेको संसदीय दलको बैठकबाट नेता चयन हुने भएको छ । 

दलको नेतामा सांसद पौडेल र सालिकराम जमरकट्टेलले दाबी गरेका छन् । सर्वसम्मत रुपमा दलको नेता चयन नभएमा चुनावी प्रतिस्पर्धा गर्ने पौडेलले भन्दै आएका छन् । पौडेलले दलको नेता नछोड्ने भएपछि चुनाव हुने सम्भावना देखिएको छ ।

दलको नेता नै मुख्यमन्त्री बन्न पाउने भएकाले पौडेल र जमरकट्टेलवीच प्रतिस्पर्धा भई रहेको छ । बाग्मती प्रदेशमा माओवादीका २१ सांसद छन् ।